هومنيوز24 - جريدة إلكترونية مغربية تجدد على مدار الساعة

ناس، كتروج أخبار ماشي مؤكدة ولكن سخونة بزاف، كتقول أن واحد عضو من فريق “الكرامة” جا نهار الجمعة الماضية وحط “جواب” على مكتب الجماعة، باش يرد على استفسار.
 اتهامات كتشم فيها ريحة فساد وابتزاز وتدخلات ماشي إدارية. 
الجواب، حسب التسريبات، ماشي غير ورقة عادية: ذكر فيها وجود تسجيلات صوتية، شبهات جنائية، وحكاية تنافي المصالح، وترقيات… 
المصالح المختصة تسلمات الجواب، ولكن بطريقة “شوية ديال الصمت وشوية ديال الحذر”.
فنفس الوقت، كاين همس فالكواليس على مفاوضات كتدور باش يتسد الملف “بالتفاهم” ولي عندو شي حاجة يخليها عندو.
السؤال اللي داير فالقهاوي.. واش فعلا المسؤولين غادي يمشيو بهاد الملف حتى الآخر ويخدم القانون خدمتو، ولا غادي نشوفو نهاية كلاسيكية ديال “تسد الملف وصافي”؟